CuracaoSPORT
CuracaoSPORT.com

Apertura atletismo 2016

Deze post is ook beschikbaar in: Dutch

Atletismo di Kòrsou ta sigui ku otro kompetensia durante di e proksimo fin di siman. E kompetensia aki lo marka apertura ofishal di e temporada 2016 i tambe e selebrashon di 50 anniversario di atletismo organisá na Kòrsou.
E kompetensia lo ranka sali ku nos chikitinnan djahueps 25 di febrüari; atardi 5:30or i despues lo sigui pa tur nos atletanan djabièrnè 26; 6or di atardi i lo kontinuá riba djabièrnè 27; 3or di atardi.
E kompetensia aki lo konta ku partisipashon di mas ku 200 atleta miembro di klupnan afilia na federashon di atletismo. E atletanan lo kompetí den diferente kategoria di evento pa un total di mas ku 110 diferente evento; manera e.o. karedanan riba diferente distansia; kortiku i largu, kareda ku obstakulo, bula haltu, bula leu, salto triple, pusha bala di heru, lansamentu di sper i disko. Na final di e dos anochinan lo kulminá e kompetensianan ku diferente elektrisante kareda di relevo di 4 x 100 meter i 4 x 400 meter.
Tur e kompetensianan aki lo tuma lugá paden i pafo di Stadion Ergilio Hato di SDK I entrada lo ta kompletamente gratis.

Sper

Djabièrnè atardi 6.30or lo tin e apertura ofishal di e temporada 2016 ku e aña aki lo keda dedika na tur esnan ku a karga e batuta di e federashon pa asina pone ku e aña aki e federashon selebra su 50 aña di eksistensia.
Durante e programashon tambe lo tin premiashon pa e atletanan ku mas a destaká durante di 2015.
Curaçaose Atletiek Bond ta invitá pueblo di Kòrsou pa bin apoyá nos atletanan ku ta preparando pa diferente kompromiso ku nos atletismo tin proksimamente den representashon di Kòrsou den eksterior. Tur esakinan lo kulminá na momentu ku na 2017 Carifta Games lo keda tené aki na Kòrsou.

Salida di 600m