CuracaoSPORT
CuracaoSPORT.com

Bon prestashon tenistanan hubenil femenino

E tenistanan hubenil femenino a okupá e di 5 lugá den 12 pais den e kampionato regional di World Junior Tennis (WJTC). Esaki kontrali na e muchanan hòmber ku no a yega mas leu ku e di 11 posishon den 16 pais ku a kompeti.

E kompetensia ku a tuma lugá na Repúblika Dominikana a dura 1 siman. Ela kuminsá djaluna 16 i a klousurá djadumingu 22 di mart. Tenistanan di 14 aña i mas hoben di diferente pais den region a kompetí kontra di otro.

E tim femenino di Kòrsou a konsistí di Zima Gomez Osorio, Ana Sofia Jaramillo i Pascale Frielink, mientras esun maskulino a keda formá pa Xaveam van Wijk, Quintan van Wijk i Joop Olthof. Gloria Esseboom a fungi komo mènedjer di tim i guia, mientras Jason Engelhardt a viaha komo entrenador.

Den e kompetensia di mucha muhé tabatin 4 pul di 3 pais. Kòrsou tabata den pul huntu ku Bermuda i El Salvador. E tenistanan hubenil a ranka sali ku un triunfo di 2-1 riba El Salvador, pa despues pèrdè ku mesun skor (1-2) kontra di Bermuda. Komo ku Bermuda a gana despues ku 2-1 tambe di El Salvador, Kòrsou i Bermuda a pasa pa hunga main draw.
vrnl Joop Olthof Quintan van Wijk Xaveam van Wijk i Jason Engelhardt
Den su promé enkuentro den main draw Kòrsou a sufri un derota. Esaki tabata kontra di e fuerte ekipo di Guatemala: 0-3. Esaki a nifika eleminashon di Kòrsou pa un dje 4 puestonan di honor. Den e lucha pa e di 5  pa 8 puesto Kòrsou a logra un viktoria di 3-0 riba Aruba. Kòrsou a bolbe topa e tim di Bermuda. Despues di a pèrdè e promé wega di single, e tenistanan di Kòrsou a logra bin bèk ganando e di dos enkuentro di single i tambe e wega di dòbel pa asina tuma revancha riba Bermuda i alabes okupá e di 5 lugá riba tabla di posishon.

Den su promé enkuentro den main draw Kòrsou a logra un viktoria di 3-0 riba Aruba, pa despues sufri un derota den su di dos wega den main draw. Esaki tabata kontra di e fuerte ekipo di Guatemala: 0-3. Esaki a nifika eleminashon di Kòrsou pa un dje 4 puestonan di honor. Den e lucha pa e di 5 puesto Kòrsou a bolbe topa e tim di Bermuda. Despues di a pèrdè e promé wega di single, e tenistanan di Kòrsou a logra bin bèk ganando e di dos enkuentro di single i tambe e wega di dòbel pa asina tuma revancha riba Bermuda i alabes okupá e di 5 lugá riba tabla di posishon.

Kontrali na e tim femenino, e ekipo maskulino no a logra klasifiká pa e main draw. Kòrsou -representá pa Xaveam van Wijk, Quintan van Wijk i Joop Olthof- tabata den pul di Guatemala, Puerto Rico i Repúblika Dominikana.

Kòrsou a pèrdè di Guatemala i Puerto Rico, pero a logra di gana di Repúblika Dominikana. Den e sigiuente enkuentro Kòrsou a gana di El Salvador, pa despues pèrdè kontra di Bermuda. Finalmente Kòrsou a gana di Jamaica i a keda na di 11 lugá den 16 pais.

E selekshon ku a viaha bou de bandera di Tennis Federation Curacao (TFC) a regresa ayera nochi bek Korsou.