CuracaoSPORT
CuracaoSPORT.com

Dimitri Juliette kampeon Hulandes jr 60m indoor

E hoben atleta Dimitri Juliette di 18 aña ta keda premia komo kampeon Hulandes den atletismo indoor riba e distansia di 60 meter.
Diasabra 28 di febrüari e atleta kurasoleño ku dia 28 di luna aki lo kumpli 19 aña a sali pa promé biaha den un kompetensia di 60 meter indoor. Den serie el a sa di marka un tempu di 7.04 mientras tantu ku den final e ta kore 7.05 lagando su kontrikante su tras ku 7.06. Pues un resultado hopi pèrtá.
Siman pasa tabata Liemarivin Bonevasia ku a titulá kampeon riba e distansia di 400 meter.
E kampeonatonan Hulandes di indoor ta tuma lugá na suidat di Appeldoorn Hulanda.

 

60m Jongens A – finale Time :18:51
Heat:1
1 73 JULIET, Dimitri 96 RTAT 7.05
2 17 BOUWMEESTER, Roelf Hylke 97 VNDM 7.06
3 21 BROER, Rodrigo-Willy 96 DVTR 7.11
4 33 DOBBER, Jochem 97 SOMI 7.17
5 41 ELABEIDI, Jamiro 96 LATL 7.17
6 48 FERNANDES, Sanyu 96 PAC 7.25
7 65 HOOGTERP, Rodney 97 IMPL 7.27
125 SIKKENGA, Siem 96 MPM DNS

Dimitri ku ta miembro di e klup The Eagles tambe lo forma parti di e team ku lo represent Kòrsou proksimamente na weganan di Carifta 2015 ku lo tuma luga na St. Kitts and Nevis. Dimitri su spesialidat ta 100 i 200 meter. Ku e logro aki Dimitri a demostra ku e ta realmente un velosista.
Pabien na Dimitri Juliette, su klup The Eagles I tambe na su coach sr. Wendell Prince.
For di awor’ki eksito, Dimitri, ku bo proksimo kompromisonan.