CuracaoSPORT
CuracaoSPORT.com

Green Tigers ta Derota Sithoc 3-0

VOLLEYBAL – Dialuna anochi den Sala Errol Rooi a tuma luga e apertura di e torneo di Volibol dedika na e gran baluarte di e Deporte di Voli  Don Ramon Rico (dfm)

Tur e ekiponan ku ta milita den klase superior di Volibol ta partisipando na e torneo aki ku lo sirbi alabes komo un torneo di kalentamentu pa e kampionato ofisial ku lo bai kuminsa proksimamente.

Tabata Angelo Virginie ku a fungi komo maestro di seremonia i sr Virginie a presenta e miembronan di honor ku tabata e invitadonan spesial riba e anochi aki den persona di Geoffrey Goede, Lio St. Hilaire, Chrismo Manuela, Sonny Ersilia ,Remo Martha iHenky D’Arnault .

Kuminsando for di 1952, Ramon a sirbi vòlibòl den diferente funshon. : president e di e Federashon di vòli di Kòrsou. Presidente di Navobo. Miembro di direktiva I ko-fundador di e konfederashon ku ta akapará Norte- Centroamerica I Caribe NORCECA, Presidente di e komishon di beachvolley di NORCECA . Tambe Ramon a sirbi komo hurado na diferente torneo Internashonal na diferente parti di mundu..

Maya Gomez miembro di nos selekshon nashonal  a interpreta e notanan glorioso di  Himno di Korsou i despues a toka turno na Sr Ronald Rico yu di Sr Ramon Rico pa  a hasi  e sake official pa despues e weganan a kuminsa.

E  volibolistanan tabata sumamente kontentu ku OK-ASIENTO i STAKAMAHAKCHI Guardian Group  a tuma e inisiativa pa organisá e torneo aki den koperashon ku FEVOKO.

E resultadonan di ayera ta lo siguiente :

Stakamakchi Gaurdian Group  ta derota Watakeli Building Depot  3-0 den Femenina superior ku parsial ( 25-12. 25-23. 25-10)  Joanne Dania a destaka den e enkuentro aki pa Staka.

Den Maskulino superior, Green Tigers  ta derota  Sithoc  ku skore di 3-0 (25-22. 25-20. 25-26) den un partido ku Norendy Bonifasia a sobresali

Den Femenino superior, Shuatanari  tabata superior na Hurricane derotando nan 3-0 ( 25-12. 25-16 i 25-19) Durene Rosalia a destaka pa Shuatanari

E torneo ta kontinua diadumingu awor 24 di November den Sala Eroll Rooi  kuminsando 17.30 ora ku Sithoc enfrenta Stakamahakchi Guardian Group den Femenina Superior  i Watakeli Building Depot lo enfrenta Green Tiger den Maskulino Superior i pa 19.00, Shuatanari lo bai midi forsa ku Green Jewels den den femenino superior i na mes momento Xaverianen lo hasi su debut kontra di Stakamahakchi Guardian Group.