CuracaoSPORT
CuracaoSPORT.com

Hopi interes pa e weganan di tur strea di Volibol

VOLLEYBAL – Manera ya ta konosi, proximamente Stakamahakchi Guardian Group ta bai organisa un All Star game kaminda e miho volibolistanan lo bai mira akshon.

Tabata e intenshon pa e torneo aki tuma luga den e siman di 23 pa 27 di September pero e hungadornan a hasi un apelashon riba direktiva di Stakamahakchi pa pospone e torneo aki  pa motibu ku hopi team ta den off season te ahinda i e hungadornan ke ta den nan top forma pa nan por kompeti den e torneo aki ku ta un botin gordo gordo komo premio major.

Huntu ku esaki e veteranonan hoben ku ja no ta aktivo mas den klase superior di volibol i ku a bria den anjanan 90 i prinsipio di 2000 tambe a inskribi pa partisipa den e torneo aki i nan ta reta e team ku sali kampion di e torneo aki pa hunga un wega finalisimo pa demostra ku e nivel di antes ta muchu mas superior ku e nivel di awor.

Pues tur hende ta bai haña mas epasio awor aki pa preparanan mes pa e publiko por haña un bankete di volibol durante di All Star game di Volibol 2013

Manera ku Fevoko anusia su periodo di kompetensia, lo anusia e fecha nobo pa e weganan di tur strea di Volibol.

Riba e foto por mira RaimeyJanga i Moldu Clarissa dos hungador ku a partisipa den 25 final i tin no menos ku 23 titulo maximo ribanan nomber huntu ku Steven Martina ku ta e Presidente Direktor di Guardian Group patronisador di stakamahakchi na momentu ku e dos top hungador nan aki a retira for di Volibol ora ku e generashon nobo di Stakamahakchi a derota Xaverianen den un wega dramatiko na aña 2008.

Janga i Clarissa lo bai ta  bek den akshon pa ultimo bia durante e all star game 2013