CuracaoSPORT
CuracaoSPORT.com

Juegos di CAC Baranquilla 2018

Deze post is ook beschikbaar in: Dutch

Promé representantenan di Kòrsou a sali pa Barranquilla, Colombia
Djamars 10 di yuli 2018 Ruthsel Martina (shef di mishon di e delegashon di Kòrsou) i Gerard Charles (direktor di ofisina di FDOK) a sali pa Barranquilla Colombia, unda lo bai tene e Weganan deportivo Sentro Amerikano i di Karibe (SAK) 2018.
Despues di e vuelo Kòrsou pa Bogotá a presenta un retraso den e vuelo di Bogotá pa Barranquilla. A konsekuensia di esaki e dos representantenan menshona a yega Barranquilla te pasa di 2 or di mardugá. E promé opservashonnan ta lo siguiente. Tin vários kos ku no a
keda kla ainda i ku lo no bini kla tampoko promé ku e seremonia di apertura ku lo tuma luga 19 di juli próksimo.
E aeropuerto no ta kla i lo no keda kla. Algun di e kayanan rondó di e aeropuerto tampoko no ta kla komo konsekuensia ku lo por bini hopi stagnashon ora e delegashonnan di e diferente paisnan kuminsá yega pareu. E kayanan no ta dòrna ku bandera ni banner kual lo mester a
duna un toke di ambiente ku e Weganan ta na kaminda.
Pues tin basta trabou pa finalisa den e siman benidero aki. Lo bai tin un reunion (e asina yama DRM-meeting) dia 12 di juli den kual lo repasá e loke ku Kòrsou a entrega na e komishon organisatorio di e Weganan kual ta COBAR. Lo chek ku tur kos ta oké pa ora e delegashon di Korsou yega nan por hospedá sin problema i asina prepará pa nan kompetensia. Dia 13 di yuli parti di e kuerpo médiko tambe lo yega pa hasi e preparashonnan nesesario.
Pa finalisa tin ku bisa ku tur e otro kosnan ta bajendo bon na Barranquilla.
Ruthsel Martina, shef di mishon