CuracaoSPORT
CuracaoSPORT.com

Kampeonato Pan Amerikano di Karate di 22 pa 27 di Mei 2017

Deze post is ook beschikbaar in: Dutch

Manera informa anteriormente ta tuma lugá aki na Korsou di 22 pa 27 di Mei proksimo e kampeonato Pan Amerikano di Karate.

Korsou ta anfitrion pa no menos ku 450 karateka for di más di 30 pais i kontando aserka tur refree, otro ofisialnan i familiares di e atletanan, nos ta spera más ku 700 bishitante riba nos isla.
Esaki indudabelmente ta bon pa e industria turίstiko di Korsou i un estίmulo pa Top Sport riba nos isla.
E kompetensha internashonal aki ta tuma lugá den sala di eksibishon na WTC (World Trade Center) na Piscadera.

E promé dianan ta destiná pa kurso di refree i reunion di e ofisialnan ku ta bini di hinter e kontinente Amerikano i Karibe.
E kompetenshanan mes ta inisia Djaweps 25 di Mei for di mainta tempran (10’or) ku peleanan i Kata den tur kategorίa i ku ta kontinua Djabièrnè 26 di Mei for di 9’or di mainta. Aki ta trata di eliminashonnan Maskulino i Femenino pa ekipo i individual.

Djasabra 27 di Mei for di 9’or di mainta ta tuma lugá e peleanan final pa medaya den tur kategorίa i tambe e kompetenshanan di kata (demonstrashon di habilidatnan tèkniko di karate).
Despues di e respektivo finalnan den tur e kategorίanan ta tuma lugá entrega di medaya. E seremonia di klousura ta programá pa Djasabra 27 di Mei pa 8’or di anochi. Pa tur kos por kana zeta riba tur e dianan aki e Komité Organisadó di e evento grandi aki ta konta ku un gran kantidat di boluntario. E pakete di entrada pa tur e tres dianan di kompetensha ta unίkamente 25 florin.