CuracaoSPORT
CuracaoSPORT.com

Millard Petrona i Lainbert Mercelina lo partisipa na “Campeonato internacional de las luces” di BMX

Awe djaweps atardi (4 di desember 2014), e hobennan Millard “The MJ Machine” Petrona i Lainbert Mercelina lo ta saliendo pa Medellin Colombia pa partisipa na e “Campeonato internacional de las luces” di BMX.

Ta trata di un kompetensha internashonal di BMX  ku lo tuma luga dianan 5 i 6 di desember na Medellin Colombia i ku por sierto e aña aki ta selebra su di 10 aniversario.
Lo tin diferente kompetidor internashonal i tambe lokal(Colombia) di renombre. Di Canada lo tei Tory Nyhaug, di merka lo tei Sean Gaian, tambe lo tei Joris Daudet di Fransia, meskos Chris Mireles di Mexico i hopi mas. Di Colombia mes lo tei entre otro e kampion olimpiko Mariana Pajon i tambe Carlos Mario Oquendo ku tambe lo ta kompitiendo den e kampionato aki.
Hopi eksito na ambos siklista i ku nan lo sa di hasi nan maksimo esfuerso pa asina bolbe bek ku e titulo di kampion di nan kategoria.
E hobennan lo ta biahando ku Sr. Millard Petrona i lo ta di regreso djaluna 08 di desember proksimo.
BMX 2014 (2)