CuracaoSPORT
CuracaoSPORT.com

Sarinah Maduro pa final Tennis

Deze post is ook beschikbaar in: Dutch

Sarinah Maduro a klasifiká pa final di ITF T&T B Mobile COTECC Tournament 2016.

Via di un bunita triunfo ayera djarason 30 di mart riba Alesha Alleyne uit (BAR), e tenista di Kòrsou a pasa pa final dje kompetensia internashonal hubenil.

Fuera di Sarinah Maduro, tambe e rumannan Ana Sofia Jaramillo i Samuel Jaramillo a kompeti den e torneo na Trinidad.

groepsopening

 

Ana Sofia Jaramillo a hunga den bueltanan preliminar den kategoria mucha muhé 18 aña i mas hoben (U18), pero no a logra klasifiká pa e asina yamá ‘main draw’, aunke ela duna bon resistensia den su weganan.

Su ruman hòmber Samuel Jaramillo a hunga den pul den kategoria U14. E tampoko a logra klasifiká pa ‘main draw’, pero por mira atras riba un torneo ku ela siña hopi i haña mas eksperiensia.

Sarinah Maduro ku tambe a hunga den U14 den kategoria femenino, si a logra klasifiká pa ‘main draw’. E la gana 2 wega i sufri 1 derota. E wega ku ela pèrdè tabata kontra di Yin Lee Assang di Trinidad: 2-4 i 1-4. Despues ela gana ku 4-0 i 4-0 di Emily Lawrence di Trinidad i tambe di Ciara Pooran di Guyana ku sètnan di 4-0 i 4-2.

Den su promé wega den ‘main draw’ Sarinah Maduro a gana ku 6-3 i 6-4 di Victoria Koylass di Trinidad i asina sigurá su pase pa kwart final.  Aki nan e tabatin mester di 3 sèt pa gana di Aayana Evanson di Antigua: 6-3, 2-6 i 6-3. Via dje triunfo aki Sarinah Maduro a pasa pa semi final, kaminda ku ela triunfá ku 6-1 i 7-5 riba Solange Skeene di Trinidad i asina klasifiká pa final di ITF T&T B mobile COTECC Tournament 2016.

Sarinah Maduro

Den wega dòbel tambe Sarinah Maduro a hunga bon i logra penetrá te den semi final. Ela forma pareha ku Gabrielle Leslie di Barbados. Nan a keda eleminá den semi final perdiendo ku 5-7 i 3-6.