CuracaoSPORT
CuracaoSPORT.com

Stakamahakchi ta organisá “Allstar tournament”

VOLLEYBAL – Den kuadro di selebrashon di su di 7 lustro, Stakamahakchi ta bai organisá un “Allstar tournament” ku partisipashon di tur e mihó vòlibòlistanan maskulino i femenino di  Kòrsou.  Pa reklutá e hungadornan  ta  huza e sistema di “draft”. Tur hungadó ku ke partisipá mester inskribí individualmente. E suma di  inskripshon ta ƒ25,– pa persona. E intenshon ta ,pa forma  4 “Allstar” tim di mucha hòmber ku ta konsistí di 9 hungadó kada unu i 3 “Allstar” tim di mucha muhé ku tambe lo  konsistí di 9 hungadó.

E sistema di draft ta bai di e siguiente forma:    4 òpzèter maskulino i 3 òpzèter femenino lo skohe e hungadornan segun un sekuensia ku lo ta konosí adelantá. Esaki lo sosedé den un ambiente festivo den hòfi di Granville na Caracasbaai. Tur  hungador ku  inskribí mester ta presente djaweps dia  29 di ougustes 8’or di anochi.    E  4 òpzèternan  maskulino ya ta konosí :  Giandro Tokaay (Stakamahakchi), Junny Yeung  (Xaverianen), Cyrus Brands (Watakeli), i   Deandi Chapman (Warwaru/OK).      E torneo mes lo start di 23 di sèptèmber   den forma di un Round Robin kaminda kada ekipo lo topa otro 2 biaha. Inskripshon  lo sera djaluna 26 di ougustes.  E inskripshon ta habrí pa tur vòlibòlista estreya. No tin limitashon di edat. Entrenadornan ku ta interesá pa coach un di e timnan tambe mester inskribí pagando e suma di ƒ25. Inskripshon ta tuma lugá na Changes pro sport na Saliña serka sr.

E ekipo maskulino ganadó  di e torneo lo risibí un premio gordo di  ƒ2000,–  i  e ekipo supkampion lo risibí e suma di ƒ800,– . E ganadó femenino lo risibí e premio gordo di ƒ1000.— i e supkampion lo risibí e suma di ƒ500.—

Kòrda ku inskripshon ta sera djaluna dia 26 di ougustes pa 6’or di atardi. Inskribí na tempu pabo no keda afó. Pèrdé pa bo pèrdè.