CuracaoSPORT
CuracaoSPORT.com

Start Projekto vòlibòl atletanan hubenil/infantil

FDDK den su afan pa mehorá I tambe profeshonalisá mundu deportivo lokal a sera un akuerdo ku FEVOKO( Federashon di vòlibòl di Kòrsou) pa un proyekto piloto hubenil pre infantil. Pa ta eksakto dia 8 te ku 13 di Yüli próksimo FEVOKO lo organisá un torneo internashonal pa e kategoria infantinal bou di e nòmber CAZOVA 2015. E evento aki lo bai tin partisipashon di 5 ekipo internashonal I naturalmente nos propio selekshon lokal.

Pa es motibu FDDK ta inisiá e proyekto piloto aki dunando aporte na FEVOKO kubriendo ku oranan di e direktor tékniko di vòlibòl mas haltu na Kòrsou I den region ku ta Señor Patricio Bridgwater. Señor Patricio Bridgwater no ta un deskonosí den mundu deportivo di vòlibòl I ta wòrdu konsiderá un entrenadó lokal ku puru disiplina I ku vishon riba desaroyo a largo plaso. Alabes huntu ku señor Bridgewater lo inkorporá señor Robert Coffie ku lo sòru pa durante e kuater (4) lunanan benidero pa riba desaroyo mental ku ta sumamente importante den desaroyo di un atleta.

cazova

E proyekto aki lo por ta inisio di un era nobo pa e deporte di vòlibòl femenino ku despues di futbòl ta e deporte mas práktika na mundu i aki na Kòrsou ta e deporte femenino ku mas miembro. Ku e akuerdo aki FDDK ta sigui ku su punto di lansa ku ta desaroyá deporte pa hende muhé i krea ídolonan nobo pa nos mundu deportivo den otro área di deporte.