CuracaoSPORT
CuracaoSPORT.com

Tennis: Eksitoso promé torneo hubenil di ranking

Tennis Federation Curacao (TFC) a organisá den wikènt tras di lomba e promé torneo pa e aña aki di e siklo di ranking hubenil. E tenistanan a batayá fuerte pero deportivamente kontra di otro den e 4 kategorianan di edat.
E komishon hubenil di TFC enkabesá pa Gloria Esseboom ta mira atras riba un eksitoso promé edishon di ranking hubenil. Kontrali na otro añanan e kompetensia a keda ampliá ku un torneo mas pa un total di 6 kompetensia.
E tenistanan ku akumulá mas tantu punto den nan kategoria di edat durante e siklo di ranking hubenil, lo kompetí den e kampionato hubenil di Kòrsou. Esaki ta planiá den di 4 kwartal dje aña aki.
Un total di 139 tenista a inkribí pa kompetí den e promé edishon  dje siklo di ranking hubenil. Tabatin enkuentro riba kanchanan di tènis di CSC na Damacor i RCC na Mon Repos. Weganan di kwart final i semi final a tuma lugá na RCC.
Riba e promé dia di kompetensia djabièrnè 27 mart tabatin 62 enkuentro. Djasabra tabatin un total di 51 wega programá. Riba e ultimo dia di kompetensia ayera djadumingu 16 partido a keda efektuá.

E resultadonan final ta lo sigiuente:

Mucha muhé 10 aña i mas hoben (10U):
Sarah Loaiza vs Tenni-Zha Marten 4-2 i 5-4 despues di tiebreak di 7-3, kampion Sara Loaiza.

Mucha hòmber 10U:
Collin Faarup vs Enzo Maduro 4-2 i 4-1, kampion Collin Faarup.

Mucha hòmber 12U:
Jaden de la Fuente vs Nicholas de Haseth 4-1 i 4-0, kampoen Jaden de la Fuente.

Mucha muhé 14U:
Daniela de Haseth vs Daphne Sommer 7-6 (tiebreak 8-6), 6-2, kampion Daniela de Haseth.

Mucha hòmber 14U:
Quintan van Wijk vs Noah Martis 6-4 i 6-2, kampion Quintan van Wijk.

Mucha muhé 18U:
Gabriela Singer vs Romy de Jong 7-5 i 6-3, kampion Gabriela Singer.

Mucha hòmber 18U:
Aydan Gomez Osorio vs Nicholas Every 6-2 i 7-5, kampion Aydan Gomez Osorio