CuracaoSPORT
CuracaoSPORT.com

Torneo di Vòli dediká na Ramon Rico en felis memoria

VOLLEYBAL – Dialuna dia 18 di Novèmber próksimo pa 19.30  den Sala Errol Rooi na SDK, lo bai tin e apertura di un torneo di Volibol ku lo konta ku partisipashon di tur ekiponan femenino i maskulino di klase superior di Volibol di Korsou.

Stakamahakchi Guardian Group i OK-Asiento den koperashon ku Fevoko  a tuma e inisiativa pa organisá e torneo aki ya asina e ekiponan ku ta entrenando fuerte pa e kampionato nobo ku lo bai kuminsá den komienso di aña por midi nan forsa promé ku aña bòltu.                                                                        E  ekipo nan a wordu reparti den dos Pul i lo hunga un buelta kaminda tur ekipo lo enfrenta otro i e ekipo ku Sali no.1 den su Pul lo pasa direkt pa semi final, sperando riba e otro finalistanan ku lo bira konosi ora ku e no.2 i no.3 di kada pul enfrentá  otro den e kruse.

Den Pul A maskulino lo tin  Watakeli,Green Tigers i Sithoc. i den Pul B Maskulino lo tin Stakamahakchi,Xaverianan i OkWarwaru

Den Pul A Femenino lo tin Shutanari,Huricane i Green Jumping i den Pul B Femenino lo tin Stakamahacki Guardian group ,Sithoc i Watakeli.

E weganan lo tuma luga na SDK den Sala Errol Rooi  riba Diadumingu i Djaluna.

E publiko  lo bai tin garantia  di bon nivel di Vòli paso tur ekipo  ta hibando un preparashon fuerte pa duna un bon presentashon na honor di Don Ramon Rico en felis memoria ku tabata un baluarte den e deporte  aki.

Skedjel torneo Ramon Rico

RIBA E FOTO POR MIRA DON RAMON RICO DEN FELIS MEMORIA