CuracaoSPORT
CuracaoSPORT.com

Typhoon Swim Club Ganado Apsoluto

ACU Jaargang y Sprint  Kampioenschappen 2015

Den e fin di siman tras di lomba pa ta eksakto 14 maart 2015 a tuma luga na SDK e kompetensia di ACU Jaargang y Sprint  Kampioenschappen 2015, kual e ana aki a wordu patrosina pa ACU den kuadro di nan projekto  “ACU pa hubentut. Kreando Mañan, Awe!!” .
Durante e fin di siman Typhoon Swim Club e team kampion di Korsou un biaha mas a demonstra ku ta nan ta sin ningun duda e miho team di Korsou ganando e kompetensha ku un margen di diferensia indiskutibel di 1,126.50 punto, sigui pa Bulado Swim Club ku  651.50  punto y Sithoc Swim Club ku 574 punto.

E siguiente atletanan di Typhoon a sa di domina y gana un medaya riba tur e evento nan ku nan a sali riba dje  y a domina pisa den e siguiente categorianan;
Den kategoria di Mucha muhenan:  6 ana Zinha Falbru, 7 ana Afra Martiena, 9 ana Sasha Stacie, 10 ana Noa van Nierop, 11-12 Esmay York , 13-14 Chade Nercicsio
Den kategoria  mucha homber 6 ana Saijd Baroud, 7 ana Ayman Mobayed, 8 ana Am-Fied Hernandez, 9 ana Marco Domacasee, 10 ana Reyan Holder, 11-12 Mekayl Engel , 13-14 Mauricio Payne

Typhoon Swim Club su team nan di relevo a domina e parti aki di e kometensha masha pisa dor di gana 8 di e 10 kategoria nan di  relevo.
Pues un fin di siman sigur hopi eksitoso pa Typhoon Swim Club kende kier a tuma e opportunidat aki pa gradesi Federashon Acquatico Korsou (FAK) pa a organisa un gran kompretensha ku a kana na ora y bon organisa. Un gradesimentu na nomber di Typhoon Swim Club ta bai na ACU kende a sponsor e evento y a regala kada team un gift check di un balor signnifikante y ku sigur lo tin bon uzo pe, y tambe kier a gradesi ACU pa e gift check kual nos team Typhoon Swim Club a risibi addishonal komo e team kampion.

Typhoon Athletes

Un danki nan e coaching staff di Typhoon Swim Club enkabesa pa e Head Coach Nazario Martijn , Omira Boutisma, Randall Holder, Cecil York y Shermine Engel pa e gran trabou ku nan ta hasi tur dia den dia afo ku nos atletanan, y un PAbien nah enter e famia Typhoon pa nan aporte pa mantene nos team e team kampion.